Month: April 2008

ඔන්න අම්මා හොඳවයින් කිරි කෝප්පයක් ගෙනල්ලා දුන්නා. කේක් කෑල්ලකුත් තියෙන්නෙ. මල් හතයි! 😉

මං කිරි බොන්න ගොඩක් කැමතියි. ඒත් ගොඩක් අය කැමති නෑ. සමහරු හිනාවෙනවා බබෙක් වගේ කිරි බොනවා කියලා. ඒ වෙලාවට නම් තරහත් යනවා හැබැයි. ඇයි කිරි බොන්නෙ බබාලා විතරද? මං මොකක්ද ලිපියක තියෙනවා දැක්කා ලංකාවේ කිරි පරිභෝජනය ගොඩක් අඩුයි කියලා.

මං ගොඩක් අය දැකලා තියෙනවා කිරි තේ බොන්න බැරි. එක එක අයගේ කැමැත්ත වෙනස් වෙන හැටි පුදුමයි.

ආ දැන් 6.20ට විතර ඇති. පිටතින් ඇහෙනවා කුරුල්ලන්ගේ සද්දය. ගත්තා අලුත් වෝල්පේපර දෙක තුනක්. එකම වෝල්පේපරය දවස පුරා තියෙනකොට එපාවෙනවා. ලස්සන දෙක තුනක් හම්බවුණා. මං ඉතින් සාමාන්‍යයෙන් දාගන්නෙ… නෑ එක්කො ඕන නෑ 😉

කිරි එක බීලා තවත් මොනවාහරි ලියන්න ඕන.

මං මේ බලාගෙන හිටියෙ යූලා මොකද කරන්නෙ කියලා. දැන් ගෙදරට ඇවිල්ලා. ඒගොල්ලො ගොඩක් වෙලාවට යනවනෙ රට වටේ රවුම් ගහන්න. දැන් සෙටිය උඩට ඇවිත් ඇඟපත හෝදගන්නවා 😉

පූසෝ නියමයි. ආ අත්තම්මලගේ පූසියක් ඉන්නවා ‘මාලිකා’ කියලා – එයා ඊයේ පැටව් දාලා. මං හරියටම දැක්කේ නැහැ තවම. එක පැටියෙක් ටිකක් යූලා වගෙයි. අනිත් පැටියා මාලිකා වගෙයි. කෝඩි සහ එයාගෙ සහෝදර අම්බු (දැන් ආගිය අතක් නැත) ගේ අම්මා තමයි ‘මකරා’ හෙවත් ‘සුදු නංගි’ කියන්නෙ. දැන් නම් කොහේ ඉන්නවද දන්නෙ නෑ. යූලා මේගොල්ලන්ගෙ බාල සහෝදරයෙක්. තව සහෝදරියක් හිටියා Q කියලා – එයා මැරුණා කාලෙකට කලින්. ෂැක් අපේ ගෙදරයි අත්තම්මලාගේ ගෙදරයි ගත්තම පූසෝ බල්ලෝ ඉන්නවා ඕන තරම්

කෝ බලන්න – යූලා තවම මුහුණ කට සෝදනවා. කෝඩි ඒ අසළ නිදි. වෙලාවකට කෝඩියි යූලයි රණ්ඩු වෙනවා මං දැකලා තියෙනවා. කොහොම කොහොම හරි මං කැමතිම පූසා කෝඩි තමයි. වෙලාවකට මිනිස් පාටයි. කෑම කාලා ඉවර වුණාම දොර ළඟට ඇවිත් දොර අරිනකල් බලාගෙන ඉන්නවා එළියට යන්න. අනිත් පූසෝ සෙට් එක ව‍ගේ නෙමෙයි. එයා අඬන්නෙ තදටම බඩගිනි වෙලාවට විතරයි. ගොඩාක් ඉස්සර නම් කෝඩි උදේට ඇවිල්ලා අපි නිදාගෙන ඉඳිද්දි ඇඟ උඩට පැනලා මහා ජංජාලයක් ‍කරනවා. දැන් නම් එච්චර හුරතලයක් නෑ. මේ තියෙන්නෙ කෝඩිගේ තවත් පින්තූරයක්.

සාමාන්‍යයෙන් ඉතින් සාමාන්‍ය PC එකක් තියෙන ඕනෑම අයෙකුට ඉතින් මහා වයර් ජංජාලයක් එක්ක හටන් කරන්න සිද්ධ වෙනවමයි. මැක් එකක් පාවිච්චි කරන අයටනම් දැන් එච්චරටම ප්‍රශ්න නැතුව ඇති මොකද ඒකේ වයර් ජාල ගොඩක් අඩු හින්දා. කොහොම කොහොම හරි මාත් එක එක ලිපි වල තිබුණු එක එක ක්‍රම වලට මේ වයර් ජාලය පිළිවෙලකට සකසගන්න උත්සාහ කළා. ඒත් වැඩේ හරියන්නෙම නෑ. අන්තිමේදී තමයි අමුතුම විසඳුමක් ලැබුණේ.

ඒ වෙන මොනවත් මගින් නෙමෙයි – රෙදි එල්ලගන්න ගන්න ක්ලිප්ස් වලින් – Cloth Clips! 😀

ඇත්තටම මේවා මගින් අපට අවශ්‍ය වැඩේ ගොඩක් ලස්සනට කරගන්න පුළුවනි. ළඟින් ළඟින් යන වයර් ඔක්කොම මේ ක්ලිප් වලින් එකට එකතුකරලා මේ වයර් ජංජාලය ගොඩක් ලස්සනට සකසාගන්න පුළුවන්. එපාවෙලා නම් තියෙන්නෙ පරිගණකය පිටිපස්සේ තියෙන අවුල දැකලාම – උත්සාහ කර බලන්න cloth clips! 😀

මැරතන් එක ඊයේ රෑ පටන් අරන් දැන් ඉතින් කෙරීගෙන යනවා. මෙච්චර වෙලා ඇහැරගෙන ඉන්න එක අමාරුයි තමයි. මොනවා කරන්නද ඉතින්. මාත් පොඩ්ඩක් නිදාගෙන ඇවිල්ලයි මේ ලියන්නෙ.

ගියා කොත්තු පැත්තෙ. kottu.org ලංකාවේ ප්‍රමුඛ බ්ලොග් සින්ඩිකේටරයක්. දැනට කොත්තු එකේ පෙනෙන පෝස්ට් 45න් 34ක්ම සිංහල! කොහොමද ඒකෙන් ලැබෙන ආවරණය? දැන් සිංහල ස්ථාපනය නොකරන කෙනෙක් මේක දැක්කොත් අනිවාර්යයෙන්ම බලාවි නේද මොකද මේ ප්‍රශ්නාර්ථ ගොඩක් තියෙන්නෙ කියලා? මේකෙන් සිංහල පරිගණකයට ස්ථාපනය කරගන්න එක තවත් පැතිරෙනවා නේද? මේ තියෙන්නෙ බ්ලොග් මැරතන් එකෙන් වෙන තවත් සේවයක්. මේ කරන වැඩේ තේරුමක් තියෙනවද කියලා අහපු අයටයි මේක 😉

හරි ඉතින් Youtube ගැන අමුතුවෙන් කියන්න දෙයක් නෑනෙ. ඒත් ඒකෙන් වීඩියෝ ලබාගන්න ක්‍රමයක් විදියට දැනට තියෙන්නේ .flv ගොනුව ලබාගන්න එක විතරයි නේද? මේ කියන්නට යන ක්‍රමය මගින් Youtube හි තියෙන වීඩියෝ MP4 ගොනු ලබාගන්න පුළුවන්. ළඟකදී ඉඳන් Youtube මගින් වැඩි තත්ත්වයකින් යුත් වීඩියෝ ලබාදෙන නිසා මේක ක්‍රමය මගින් ගොඩක් හොඳ තත්ත්වයේ වීඩියෝ එකක් කෙලින්ම ලබාගන්න පුළුවන්. කොහොම වුණත් මේ ක්‍රමයෙන් ලබාගන්න වීඩියෝ ගොනුව .flv ගොනුවක් පරිවර්තනයෙන් ලබාගන්න ඒවාට වඩා තත්ත්වයෙන් උසස්.

කරන්න තියෙන්නෙ බොහොම සරල වැඩක්. මෙතැන පහළින් තියෙන සබැඳිය ඔබේ Bookmakrs/Favorites වලට එක්කරගන්න එක විතරයි. ෆයර්ෆොක්ස් වල නම් Bookmark this Link මගින්ද, IE වල නම් Add to Favorites මගින්ද මේක කරන්න පුළුවන්. ඉන්පස්සේ Youtube වීඩියෝ පිටුවකට ගිහින් මේ බුක්මාක් එක ක්ලික් කරන්න විතරයි තියෙන්නේ. එතකොට Download as MP4 කියලා ලින්ක් එකක් මතුවේවි. මේක මත රයිට් ක්ලික් කරලා Save කිරීමෙන් ඔබට mp4 ගොනුව ලබාගන්න පුළුවන්.

මේක ලැබෙන්නෙ .htm ගොනුවක් විදියට නම් ඩවුන‍්ලෝඩ් වීම අවසන් වුණාට පස්සේ ඒකේ extension එක mp4 ලෙස වෙනස් කරන්න. 🙂

මෙන්න මේ සබැඳිය Bookmark/Favorites වලට එක්කරගන්න

Google Operating System මගිනි