Category: Uncategorized

මොකට කියනවද මේක හිතන තරම් ලේසි වැඩක් නෙවෙයිනෙ බලාගෙන යනකොට. කෝ බලමු, අපි දැන් පැය පහමාරක් විතර අවදියෙන්. කලින් නම් මමත් ‍ලොකුවට කිව්වා ලියමු ලියමු සිම්පල්නෙ කියලා. දැන් තමයි තේරෙන්නෙ 😀 හරිම අමාරු වැඩක්. ලොකුම ප්‍රශ්නෙ නිදිමතත් නෙමෙයි. අදහස් එන්නෙ නැති එක. ඇයි දෙයියනේ වෙනදට නම් දවසට එක පෝස්ට් එකයිනෙ. අද ඉතින් ලියන්න එපෑ දවස පුරා – ඒ මදිවට රේඩියෝ එකත් නැවතිලා. හරිම අමාරුයි ඒක නැතුව. නැවත අරඹාවි කියලා බලාපොරොත්තු වෙනවා.

ඇයි කතාවක් තියෙන්නෙ වැරදීම දේව ගතියක් සමාව දීම…. ආ නෑ – වැරදීම මිනිස් ගතියක් සමාව දීම දේව ගතියක් කියලා 😉

දැන් නම් කෙටි විවේකයක්වත් (විනාඩි පහක වගේ) ගන්න ඕන – හරිම අමාරුයි. කවුරුහරි මේක කියවනවානම් comment එකක්වත් දාන්න – පුදුම නිදිමතක් තියෙන්නෙ. 😀

මේක කාලෙකට කලින් සිදුවෙච්ච දෙයක්. අපි දවසක් කොළඹ ගිහින් එන ගමන තමයි මේ සිදුවීම දැක්කේ. කොයි හරියෙද වුණේ කියලා මතක නෑ. අපි ආපු බස් එක overtake කරගෙන හමුදා ලොරියක් ගියා. එතකොට බස් එක නවත්තලයි තිබුණේ. ඒ නවත්තලා තිබුණු තැන තිබුණු පුංචි කඳු ගැටයක් උඩ හිටගෙන හිටපු පොඩි මල්ලි කෙනෙක් මෙහෙම කෑගැහුවා: “අයියා යුද්දෙට යන්න අපිත් එනවා” ඒ මල්ලිගෙ මූණ සතුටෙන් පිරිලා, සිනහව ඉතිරෙනවා ඇස් වලින්. මට එවෙලේ දැනුණ හැඟීම පුදුමාකාරයි.

මං ඒ කාලෙ බොහොම ආසාවෙන් පාවිච්චි කරපු මෘදුකාංගයක් තමයි පවර්ඩීවීඩී. කොටින්ම කියනවා නම් මම ඒකට සිංහල භාෂා පැකේජයකුත් හැදුවා. ඒක ඇත්තටම ගොඩක් හොඳයි. ඒත් මේ ළඟකදි මං ඒක සම්පූර්ණයෙන්ම අතහැරියා.

දැන් මම පාවිච්චි කරන්නෙ VLC සහ මීඩියා ප්ලේයර් ක්ලැසික් තමයි. මේ මෘදුකාංග දෙක නියමෙට ඩීවීඩී ධාවනය කිරීම කරන නිසා කිසිම ප්‍රශ්නයක් නෑ. දෙකම පාවිච්චි කරන්නෙ අවස්ථාවෙ හැටියට තමයි. මීඩියා ප්ලේයර් ක්ලැසික් එකට AC3Filter මගින් ලැබෙන සහය නිසා ඩීවීඩී වල ශබ්ද ගොඩක් හොඳින් ලබාගන්න පුළුවන්. මං ගාව තියෙන්නෙ ස්ටීරියෝ ස්පීකර් නිසා (සබ්වූෆරයක් තිබුණත්)

මීඩියා ප්ලේයර් ක්ලැසික්: http://sourceforge.net/projects/guliverkli
AC3Filter මෙතැනින් ලබාගන්න පුළුවන්: http://ac3filter.net/projects/ac3filter

දැන් නම් මාර නිදිමතයි. නිදිමත ඩබල් වගෙයි. ඒ වුණාට මීට වඩා නිදිමතින් හිටපු වෙලාවල් තියෙනවා 😀

ලේසි වැඩක් නෙවෙයි බලාගෙන යනකොට. මම හිතාගෙන හිටියේ නම් ෆුල් ජොලියේ ලියන්න පුළුවන් වේවි කියලා – ඒත් මාර සීරියස් වැඩක්නෙ බලාගෙන යනකොට. ලේසි නැහැ. ඇයි දෙයියනේ පැය 24ක්! පිස්සු හැදෙනවා! 😀

දැන් ලංකාවට චිත්‍රපටි වල ඩීවීඩී එන එක අම්බානක අඩුයි කියලා ආරංචි තියෙන නිසාත්/ඇස් දෙකෙන්ම දකින්න ලැබෙන නිසාත් ගොඩක් අය අන්තර්ජාලයෙන් චිත්‍රපට ඩවුන්ලෝඩ් කරන්න පෙළඹෙනවා. මට නම් ඩවුන්ලෝඩ් කරන්න වාසනාවක් නෑ – ඒත් ඉතින් වාසනාව තියෙන අයටයි මේක.

සාමාන්‍යයෙන් DivX/Xvid චිත්‍රපටයක් ලබාගත්තාට පස්සේ ඒකට උපසිරැසි දාගන්න සිද්ධ වෙනවා. සාමාන්‍යයෙන් මේ උපසිරැසි අන්තර්ජාලයෙන් හොයාගන්න පුළුවන්. .srt ගොනුව වශයෙන් තමයි ‍තියෙන්නෙ. opensubtitles.org මේවා හොයාගන්න නියම තැනක්.

මේ උපසිරැසි චිත්‍රපටයට එක්කරගන්න ක්‍රම කීපයක් තියෙනවා. එකක් තමයි VLC මීඩියා ‍ප්ලේයර් එක පාවිච්චි කරන එක. (http://www.videolan.org/vlc)  VLC දැනට ලොව පුරා ජනප්‍රිය බොහෝ මෙහෙයුම් පද්ධති වල ක්‍රියාත්මක නියම මීඩියා ප්ලේයර් එකක්.

අනිත් ක්‍රමය තමයි DirectVobSub – මේක උපසිරැසි පෙන්වන්නට හැකියාව තිබෙන DirectShow Filter එකක්. මේක ගොඩක් හොඳින්ම වින්ඩෝස් මීඩියා ‍ප්ලේයර්, මීඩියා ‍ප්ලේයර් ක්ලැසික් සහ තවත් ප්ලේයර් සමග පාවිච්චි කරන්නට පුළුවන්. ඩීවීඩී වලට වඩා මේ ක්‍රමයේ තියෙන වාසිය අපට කැමති විදියට අකුරු රටා, සෙවණැලි, ෆොන්ට්, අවුට්ලයින්, පෙන්වන තැන ආදිය වෙනස් කරමින් අපට අවශ්‍ය විදියට උපසිරැසි සකසගන්න පුළුවන්.

කෝපි එක බීලා ඉවරයි. නිදිමතයි දැන් හෙණට.