Malinthe's Blog

දැන් ලංකාවට චිත්‍රපටි වල ඩීවීඩී එන එක අම්බානක අඩුයි කියලා ආරංචි තියෙන නිසාත්/ඇස් දෙකෙන්ම දකින්න ලැබෙන නිසාත් ගොඩක් අය අන්තර්ජාලයෙන් චිත්‍රපට ඩවුන්ලෝඩ් කරන්න පෙළඹෙනවා. මට නම් ඩවුන්ලෝඩ් කරන්න වාසනාවක් නෑ – ඒත් ඉතින් වාසනාව තියෙන අයටයි මේක.

සාමාන්‍යයෙන් DivX/Xvid චිත්‍රපටයක් ලබාගත්තාට පස්සේ ඒකට උපසිරැසි දාගන්න සිද්ධ වෙනවා. සාමාන්‍යයෙන් මේ උපසිරැසි අන්තර්ජාලයෙන් හොයාගන්න පුළුවන්. .srt ගොනුව වශයෙන් තමයි ‍තියෙන්නෙ. opensubtitles.org මේවා හොයාගන්න නියම තැනක්.

මේ උපසිරැසි චිත්‍රපටයට එක්කරගන්න ක්‍රම කීපයක් තියෙනවා. එකක් තමයි VLC මීඩියා ‍ප්ලේයර් එක පාවිච්චි කරන එක. (http://www.videolan.org/vlc)  VLC දැනට ලොව පුරා ජනප්‍රිය බොහෝ මෙහෙයුම් පද්ධති වල ක්‍රියාත්මක නියම මීඩියා ප්ලේයර් එකක්.

අනිත් ක්‍රමය තමයි DirectVobSub – මේක උපසිරැසි පෙන්වන්නට හැකියාව තිබෙන DirectShow Filter එකක්. මේක ගොඩක් හොඳින්ම වින්ඩෝස් මීඩියා ‍ප්ලේයර්, මීඩියා ‍ප්ලේයර් ක්ලැසික් සහ තවත් ප්ලේයර් සමග පාවිච්චි කරන්නට පුළුවන්. ඩීවීඩී වලට වඩා මේ ක්‍රමයේ තියෙන වාසිය අපට කැමති විදියට අකුරු රටා, සෙවණැලි, ෆොන්ට්, අවුට්ලයින්, පෙන්වන තැන ආදිය වෙනස් කරමින් අපට අවශ්‍ය විදියට උපසිරැසි සකසගන්න පුළුවන්.

කෝපි එක බීලා ඉවරයි. නිදිමතයි දැන් හෙණට.

නිදිමත යන්නත් එක්ක කියලා මූණ හෝදගෙන ආවා. දැන් නම් ඉන්න බෑ – ඒ මදිවට ‍අපේ රේඩියෝ චැනලයේ යන සිංදු වලට නිදිමත ඩබල් වෙනවනේ. දැන් මූණ හෝදගෙන ආවා ඒත් තුවාය හොයාගන්න බෑ. වතුර පිටින් ඉන්නෙ මේ. 😀

අම්මා කිරි කෝපි එකක් හදලා – මල් හතයි! 🙂

හපොයි තව පැය විස්සක් විතර ඉන්න ඕන නේද කියලා මතකවෙනකොට නිදාගන්නමයි හිතෙන්නෙ! 😀 ඒත් නිදාගෙන බෑ නෙව. බලමුකෝ. අතරින් පතර පොඩ්ඩක්වත් නිදාගන්න ඕන.

මා ගාව දැනට තියෙන්නෙ සාමාන්‍ය පොඩි ෆෝන් එකක්. මහා ලොකු ඒවා ගන්න තරම් මට වත්කමක් නැහැනෙ 😉

දැන් මේ ෆෝන් එක ගැන කතාකළොත් – මේකෙ කිසිම විශේෂත්වයක් නැහැ. නිකං ෆෝන් එකක් විතරයි. කෝල් ගන්න පුළුවන්. එස්එම්එස් යවන්න පුළුවන්. හපොයි මට පිස්සු හැදීගෙන එනවා වගෙයි.

නෑ නෑ. මං නිකං විස්තර ටිකක් ලියන්නම් නිදිමත යන්නත් එක්ක. මේක ගත්තෙ රුපියල් 6500ක් වගේ සුළු මුදලකට. ඒ නිසා මහා ලොකු විශේෂාංග මුකුත් නැහැ. ඒත් මං ඒකට කැමතියි. පුදුමෙ කියන්නෙ අන්තර්ජාලයෙන් මේක ගැන විස්තර හොයාගන්න බැරිවුණු එක තමයි.

මේකෙ ප්‍රමාණය බැලුවොත් දළ වශයෙන් සෙන්ටිමීටර 10 x 4 වගේ ප්‍රමාණයක්. මහත ගත්තොත් මිලිමීටර 13ක් වගේ තියෙනවා. හුරුබුහුටියි. තිරය CSTN එකක්. වර්ණ 65,000 – customize කරන්න බෑ. ටෝන්, වෝල්පේපර් කිසිම දෙයක් ඩවුන්ලෝඩ් කරන්නත් බෑ. අඩුම තරමින් GPRS වත් නෑ. රේඩියෝ එකක් නම් තියෙනවා. (පුදුමයි ඒකවත් තිබුණු එක) ෆෝන්බුක් එකේ 300ක් දාගන්න පුළුවන්. vibrate එක හොඳයි. ටෝන්ස් වල සද්දය බොහොම හොඳයි. Keys එබීමේ පොඩි අපහසුතාවයක් තිබුණා මුල් දවස්වල දැන් ප්‍රශ්නයක් නෑ. අනිත් ෆෝන් වල තියෙන අනිත් මූලික යටිතල පහසුකම් තියෙනවා.

අනිත් විශේෂාංගය තමයි LMT – Lost Mobile Track – මේකෙන් කවුරුහරි මේක හොරකම් කළොත් (කවුද මේවා හොරකම් කරන්නෙ? පිස්සෙක් තමයි!) හෝ නැතිවුණොත් ක්‍රියාත්මක වෙන එකක්. ඒ කියන්නෙ ෆෝන් එක ලැබෙන කෙනා වෙනත් සිම් එකක් දැම්මම ෆෝන් එකේ කලින් දාලා තියෙන නම්බර් දෙකකට කෙටි පණිවිඩ ලැබෙනවා ඒ සිම් එකෙන්. ෆෝන් එක හොයාගන්න ට්‍රයි එකක් දෙන්න පුළුවන් මේකෙන්.

කොහොම වුණත් මේ වැඩේ හරියන්නෙ නෑ. වෙන එකකට අනිවාර්යයෙන්ම යන්න වෙනවා. මහ boring ෆෝන් එකක් මේක. 😆

චැහ් දැන් නම් නිදිමත ටිකෙන් ටික වැඩිවීගෙන එනවා. ලියන්න කිසිම දෙයක් ඔළුවට එන්නෙත් නෑ. දැන් පූසෝ ගැන ලිය ලිය ඉඳලා අන්දමන්ද වෙලා වගේ වටපිට බලමිනුයි ඉන්නේ. දැන් දැක්කා කුකුෂ්කින් ඉදිරියෙන් ඇවිදගෙන ගිය ආකාරය. හපොයි දැන් නම් කිසිම දෙයක් ඔළුවට එන්නෙ නෑ ලියන්න. දැන් රේඩියෝ චැනලයේ කතාකරන්නෙ වරුණ අයියා. දැන් ටිකකට කලින් දිව ටිකක් පැටළුණා.

ආ මෙන්න කුකුෂ්කින් මං ගාවින් ඇවිදගන ගියා. මොනවද ඌ හොයන්නෙ. ඒ පාර ඌ උඩ බලනවා. හූනෝ අල්ලන්න හිතිලද දන්නෙ නෑ. ආයෙ යනවා කුස්සිය පැත්තට. මූ නම් මාර බඩජාරියෙක්. පූසොත් දැකලා තියෙනවා මෙහෙම පූසෙක් දැකලා නෑ.

අනේ මන්දා නිදිමත හින්දා වෙන්න ඇති කිසිම දෙයක් ලියන්න හිතෙන්නෙ නෑනෙ! ඔන්න ඒ පාර pizzahut අනුග්‍රහයෙන් වෙලාව කියනවා වරුණ. හපොයි දැම්මෙ නැතෑ තව සිංදුවක් – මේවට පුදුම නිදිමතක් තමයි එන්නේ!

හරි ඊළඟට ලියනවා මගේ කසිකබල් ෆෝන් එක ගැන. මොනවා හරි ගැන ලියන්නත් එපායැ? 😀

ඔන්න අමාරුවෙන් හොයාගත්තා කුකුෂ්කින්ගෙ පින්තූරයක් (අංකල් කියන්නෙත් මෙයාටම තමයි කලින් වැරදුණානේ)

කුකුෂ්කින් වෙලාවකට ලස්සනට පෙනුණත් කෑම තියෙන තැනක හිටියොත් පේන්නෙ නිකං යකෙක් වගෙයි. 😀