මැගී ආච්චි දැන් වැඩිපුර ලියන්නයි සූදානම. කාලෙකට පස්සේ අලුතෙන් ලිපියක් දාපු බව දකින්න ඇතිනෙ? නැතිනම් ගිහින් බලන්න. තවත් එකක් ලියලා තියෙන්නෙ. ඒක සඳුදට බලාගන්න පුළුවන් වේවි.

මැගී ආච්චිට ගොඩක් ප්‍රතිචාර ලැබෙන නිසා ආච්චි ඉන්නෙ හරිම සතුටෙන්

තවත් එකක්, මැගී ආච්චිගේ හෑල්ල කාලෙකට කලින් මිණිමුතු නමින් මධ්‍යම පළාතේ පමණක් නිකුත්වුණු පත්තරක පළවුණා. ඒ දවස්වල මේ මැගී ආච්චිගේ චිත්‍රය ඇන්දේ චන්දන කියලා අයියා කෙනෙක්. ඒ අයියා වෛද්‍ය විද්‍යාලයට තේරුණු බව අම්මා කිව්වා. වාසගම නම් මතක නැහැ. කවුරුහරි එයාව දන්න කෙනෙක් මේක කියවනවා නම් අපව අමතන්න කියන්න.

මැගී ආච්චිගේ හෑල්ල - කිව්වහම මොකද හැබෑටම!

Favicon කියන ඒවා දැකලා ඇතිනෙ? ෆයර්ෆොක්ස් පාවිච්චි කරනකොට නම් ටැබ් එකෙත්, ලිපින තීරුවෙත් එක එක අඩවි ‍වල වෙනස් අයිකන දැකගන්න පුළුවන්. මේවා තමයි Favicon කියන්නෙ. ඊයේ තමයි මේ ගූගල්හි අලුත් Favicon එක දැකගන්න ලැබුණේ. ඇත්තටම එතරම් වැඩකට ඇති දෙයක් නෙමෙයි. ඒත් ලියන්න හිතුණා.

මං එක බ්ලොග් එකක දැක්කා ගූගල් සහ අනිත් සමාගම් අතර තියෙන වෙනස මේක බව. ඒ කියන්නෙ මේ වගේ ගූගල් හි මේ වගේ පොඩි වෙනසක් වුණත් ඒ ගැන ලොකුවට කතාකරන්න පුළුවන් බව මේ ළඟදි ජීමේල් ප්‍රවේශණ තිරයටත් අලුත් වෙනසක් කරලා තිබුණා. ජීමේල් පාවිච්චි කරන අය මේක දැනටමත් දන්නවා ඇති.

ගොඩ දවසකින් ලියන්න බැරිවුණා. හේතුවක් කියන්න අමාරුයි. ලියන්න ගොඩක් දේවල් තිබුණත් ලියාගන්න බැරුවයි හිටියෙ. දැන්වත් මොකක්හරි ලියන්න ඕන කියලා හිතුවට මොනවා ලියන්නද කියලා හිතාගන්න බෑ

ම්… දැන් බස් ගාස්තු වැඩියි. අපේ පාරේ කලින් රුපියල් 14 දැන් 17ක් වෙලා. ටවුමට ගිහින් එන්න ගියාම රුපියල් 34ක් වියදම් වෙනවා දැන්. අන්තර්ජාල භාවිතයත් ප්‍රශ්නයක් වෙලා. මේ මොබිටෙල් එකට යන වියදම දරන්න අමාරුයි. වෙන කරන්න දේකුත් නෑ. adsl ගන්න විදියකුත් නෑ, ‍ඩයලොග් එකේ වයිමැක්ස් ගන්න විදියකුත් නෑ. ඩයල්අප් නම් දැන් අප්පිරියයි.

ඊයේ පෙරේදා යාහූ මැසෙන්ජර් එකේ තිබුණු ගේම්ස් ටිකක් සෙල්ලම් කළා යාලුවොත් එක්ක. Pool තමයි මගේ ප්‍රියතම එක. තවත් තියෙනවා Toki Toki Boom කියලා එකක්. ඒකත් නියමයි

ගොඩ දවසකින් ලියන්න බැරිවුණු නිසා මේක බලන්න එන අයත් අඩුවෙලා වගේ. මොනවා කරන්නද? කිසිම දෙයක් කරන්න හිතෙන්නෙ නෑ. වර්ඩ්ප්‍රෙස් සිංහල වැඩකටයුතුත් බලන්න බැරිවුණා ගොඩ දවසකින්.

ගැජට් සහ මෘදුකාංග ලෝකයේ මේ දවස්වල ගොඩක් දේවල් සිද්ධ වෙනවා. ඒත් ඒවා ලියලා වැඩක් නෑ කියලා හිතුණා. හපොයි මොනවා ලියන්නද?

ම්… ෆයර්ෆොක්ස් වෙනුවෙන් ගිනස් වාර්තාවක් පිහිටුවන්නට කට්ටිය ලෑස්ති වෙනවා. පැය 24ක් ඇතුළත වැඩියෙන්ම ලබාගන්නා මෘදුකාංගය විදියට (ඩවුන්ලෝඩ් කරන) ඔබත් එකතුවෙන්න: http://www.spreadfirefox.com/en-US/worldrecord/

චැහ්, දැන් ඉතින් මදෑ මේ… මොනවා හරි ලියන්න අවශ්‍ය දෙයක් තියෙනවානම් කියන්න අමතක කරන්න එපා. ප්‍රතිචාර අඩු වුණාමත් මුකුත් ලියන්න හිතෙන්නෙ නෑනෙ. ඉතින් හොඳ හෝ නරක ඕනෑම අදහසක් මේ පහළ තියෙන පෝරමයෙන් ලියන්න.

දැනට එපමණයි. හෙට අනිද්දා ඉඳලාවත් නැවතත් පරණ විදියට මේක ලියන්න ඕන. මේකත් බොහොම අමාරුවෙන් ලිව්වෙ සූ අක්කා කියපු නිසා

ආ තවත් එකක්, මැගී ආච්චි නැවතත් ලියන්නයි සූදානම. අම්මා අලුත් ලිපි දෙකක් ලියලා දුන්නා. අද හවස වගේ දාන්නයි බලාපොරොත්තුව.

පික්ලෙන්ස් දැන් තවත් අලුත් වෙලා. මං මේ ගැන කාලෙකට කලිනුත් ලියලා තිබ්බා වගේ මතකයි. ඒත් මේ ළඟදි තමයි ආයෙමත් දාලා බලන්න හිතුණෙ. පික්ලෙන්ස් කියන්නෙ ෆයර්ෆොක්ස්, IE ‍හෝ සෆාරි සඳහා සහය දක්වන ත්‍රිමාණ ඡායාරූප දර්ශකයක්. මේක වචන වලින් කිව්වට හරියටම තේරුම්ගන්න අමාරුයි. පින්තූර වලින් පෙන්නුවත් හරියටම තේරුම් ගන්න බැහැ. ඒත් මට වීඩියෝ දාන්න විදියක් නැති නිසා පින්තූර ටිකක් දාන්නම්.

පික්ලෙන්ස් පාවිච්චි කරලා Google Images, Flickr, deviantART, SmugMug, Yahoo, Photobucket සහ Youtube ආදී වෙබ් අඩවි සහ තවත් අඩවි රැසක් මගින් පින්තූර සහ වීඩියෝ සොයන්නටත්, ඒවා අතිශයින්ම අලංකාර සුමුදු ත්‍රිමාණ සජීවීකරණයකින් නරඹන්නටත් පහසුකම් ලබාදෙනවා.

ෆයර්ෆොක්ස් මත නම් මේක ස්ථාපනය කළාට පස්සෙ සහය දක්වන වෙබ් අඩවියක (Google Images) පින්තූරයක් මතට කර්සරය ගෙන ගියාම පික්ලෙන්ස් වෙත සබැඳුමක් පෙන්වනවා. ඒක මත ක්ලික් කළාම කෙලින්ම ත්‍රිමාණ දර්ශකය ප්‍රවේශනය වෙනවා. දැන් සාමාන්‍

Firefox 3 Release Candidate 1 නිකුත් කරලා. පාවිච්චි කරන්න කැමතිනම් මෙතැනින් ලබාගන්න: http://www.mozilla.com/en-US/firefox/all-rc.html

දැනටමත් Firefox 3 Beta එකක් පාවිච්චි කරනවානම් Help මෙනුව මගින් කෙලින්ම Update එක ලබාගන්නත් පුළුවන්. මමත් දැනට යාවත්කාලීන කරමින් ඉන්නේ. වැඩිදියුණු කිරීම් රැසක් තියෙන බවයි ආරංචිය.

Update: යාවත්කාලීන කළා. පොඩි පොඩි වෙනස්කම් රැසක් පේන්න තියෙනවා. වින්ඩෝස් අනුවාදයේ බොත්තම් වල පාටත් ටිකක් වෙනස් වෙලා. Interface එකේ වේග‍ය වැඩි ගතියක් දැනෙනවා. කලින් තිබුණු Zoom කිරීමේදී වේගය අඩුවෙන ලෙඩෙත් අඩුයි වගෙයි. Address Bar එකත් දැන් ටිකක් වෙනස්. ඔය ටික තමයි දැනට දැනුණු වෙනස්කම්. තවත් අලුත් තොරතුරු ලැබුණොත් ලියන්නම්.

All Hail Firefox!

Got tagged by Dili Hmm lets see now:

1. Music. Oh yeah, lots of music. Don’t have a specific taste though, can listen to (almost) anything. U2 and Iron Maiden are my favorites these days. Here’s my Last.fm Music Profile
2. Internet. I love it and can’t live without it.
3. Movies. I really like to watch movies but hard to find new stuff these days (on DVD’s) and I don’t have the ability to download ‘em.
4. Perfect Weather. I hate extreme heat and I hate extreme cold. But I do love the perfect weather. Not too hot, not too cold.
5. Getting to know new stuff. Well mostly new software and such. It’s a really nice experience. Now I’m playing with PicLens for Firefox which is one of the coolest things I’ve ever seen.
6. Comedies. Not the crappy sinhala comedy movies though.
7. This is kinda strange but when when I get into some trouble and I get out of it - it just feels good. Once something went wrong in my comp and I couldn’t boot windoez. I was freaked out. But when I managed to boot it after doing some stuff, the feeling I felt was amazing.
8. Cold Breeze. Ah I just love it.
9. Food. Mom usually makes tasty stuff.
10. Hmmmm what else… chatting with friends maybe (friends found through the net though)

Phew, that was hard. Hey guys we better make another one named ‘ten random things that make me angry’ Oh yeah, I got lots of stuff to put in there

සාමාන්‍යයෙන් තමන්ගෙම කියලා ෆොන්ට් එකක් හදන එක ‍එතරම් ලේසි වැඩක් නෙමෙයි. ඒ සඳහා මං හිතන හැටියට නම් ගොඩක්ම පාවිච්චි කළේ Fontlab, Fontographer වගේ මෘදුකාංග වෙන්න ඇති. මාත් දෙතුන් පාරක් හදන්න අරගෙන එහෙමම දමලා ගහලා නිකං ඉඳලා තියෙනවා

මෙන්න ඒ කටයුත්ත පහසු කරන නවතම විදිය. FontStruct. අන්තර්ජාලයේ ඉඳගෙනම ෆොන්ට් එකක් හදන්න පුළුවන් නියම සේවාවක්. ෆ්ලෑෂ් මගින් ධාවනය වෙන මේ සේවය මගින් ඔබට ඕනෑම ෆොන්ට් එකක් කිසිම ප්‍රශ්නයක් නැතුව හදන්න පුළුවන්. භාෂා රැසක්ම තියෙනවා. විශේෂත්වය සිංහල භාෂාවටත් සහය දැක්වීම තමයි. ඔව්, ඔබට එතැනින් සිංහල තෝරලා කිසිම ගැටලුවක් නැතිව සිංහල ෆොන්ට් එකක් හදන්න පුළුවන්. FontStruct වෙබ් අඩවියට ගියාම ඒක පාවිච්චි කරන විදිය ගැන ලස්සන සජීවීකරණයකින් බලාගන්න පුළුවනි.

ෆොන්ට් එක හරියටම හදන්න අවශ්‍ය Blocks අපට ලැබෙනවා. මේ Bricks විවිධ හැඩතල වලින් තියෙන නිසා ෆොන්ට් එක ලස්සනට සුමුදු විදියට සකසගන්න පුළුවන්. ඒක සකසන අතරේ වැඩ නවත්තන වෙලාවට ඒක සුරකින්නත්, පසුව ඉතිරි ටික කරන්නත්, හදලා ඉවර වුණාම ඔබේ පරිගණකයට ලබාගෙන පාවිච්චි කරන්නත් පුළුවන්. TrueType විදියට තමයි ෆොන්ට් ලබාගන්න පුළුවන් වෙන්නෙ.

අවශ්‍ය නම් නිර්මාණය කරපු ෆොන්ට් බෙදාගැනීමේ හැකියාවත් තියෙනවා. බෙදාගැනීමෙන් පස්සේ ‍FontStruct වෙබ් අඩවියේ ගැලරියටත් ඔබේ ෆොන්ට් එකතු වෙනවා. උත්සාහයක් දීලා බලන්න. හොඳ ෆොන්ට් එකක් හැදුවොත් අපටත් එවන්න අමතක කරන්න එපා!

Thanks Chamara!

FontStruct

මේ දවස් ටිකේම ඇවිදින එකමයි වැඩේ. මට වැඩිය ඇවිදින්න ව්‍යායාම් කරන්න ලැබෙන්නෙ නැති නිසා දැන් නම් හොඳ ගණන්. ඊයේ කුරුණෑගල ගිහින් ආවා. දැන් මුළු ඇඟපතම රිදෙනවා ඊට කලින් දවසේ ක්ලාස් එකට ගිහින් ආයේ ටවුමට ආවෙත් පයින්මයි. (ඒ නම් ජොලියට) ඊටත් කලින් දවසේ මල්ලිව ක්ලාස් එකෙන් එක්ක එන්න කියලා ගිහින් අන්තිමට එහෙටත් පයින්ම යන්න වුණා. එදා නම් මට පිස්සු වගෙයි. කකුල් දෙක කැඩෙන්න වගේ රිදෙනවා. හික් හික් - ඇවිද්ද පය දහස් වටී!

මේ දවස් වල නම් උෂ්ණත්වය ටිකක් අඩුයි වගේ. ඒත් ගිය සතියේ දරන්න බැරි තරම් රස්නයක් තිබුණේ. ගමේ බස් නවත්තන තැනට ගියාම පිස්සු හැදෙනවා. හැමදේම වේලිලා ගිහින්, අව්වයි දූවිල්ලයි. වාහනයක් පාරේ ගියාම ඉහළ නගින දූවිල්ල දැක්කම පුදුම හිතෙනවා. රස්නය දරන්න අමාරුයි. තිබහයි. දාඩියයි. ඒ වෙලාවට හිතෙනවා මේ නුවරද නැතිනම් වෙන කොහේ හරිද කියලා.

මගේ නිදාගන්න ඉරියව්වේ අප්සට් එකක් නිසාද කොහෙද අතේ එක තැනක් රිදෙනවා. මං සාමාන්‍යයෙන් කොට්ටය උඩ ඔළුව තියාගෙන නෙවෙයි නිදාගන්නේ. එක්කෝ අත උඩ කොට්ටය, කොට්ටය උඩ ඔළුව සහ ඔළුගෙඩිය උඩින් තවත් කොට්ටයක් වගේ තමයි! (ඒකත් නිකං සැන්ඩ්විච් කරලා වගේ) මොකක් හරි කරලා බලන්න ඕන.

මේ දවස් ටිකේ අලුතින් මුකුත් ලියන්න හිතුණේ නෑ. අලුත් තොරතුරුත් වැඩිය නැහැ. සිංහල බ්ලොග් කියවනය ආරම්භ කළ එක ගැන මං කිව්වනෙ. ඒක නම් හොඳට වැඩකරනවා. අලුතින් බ්ලොග් කිහිපයකුත් එකතු වුණා.

සිංහල බ්ලොග් මැරතන් එක දවසෙ ඔක්කොම එක තැනකින් කියවන්න මැරතන් සින්ඩිකේටරයක් හැදුවා මතක ඇති. දැන් මැරතන් ඉවර නිසා ඒක පැත්තකින් තියලා එදිනෙදා බ්ලොග් කියවන කටයුතු වලට ‘සිංහල බ්ලොග් කියවනය’ කියලා එකක් හැදුවා. ඒක මෙතැනින් ලබාගන්න පුළුවන්: http://blogs.sinhalabloggers.com

ඔ‍බත් සිංහල බ්ලොග් එකක් ලියනවා නම්, දැනට ඔබේ බ්ලොග් එක මෙතැන නැතිනම් http://blogs.sinhalabloggers.com/add-blog මගින් ඔබේ බ්ලොග් එකේ විස්තර එවන්න.

අද ඉඳන් අලුත් දෙයක් පටන් ගන්න හිතුවා. හැම මාසෙකම මම මගේ ඩෙස්ක්ටොප් එක වෙනස් කරන විදිය බ්ලොග් එකට ලියන්නයි යන්නෙ. දැනට නම් තියෙන්නෙ වින්ඩෝස් විතරයි. මම සාමාන්‍යයෙන් ඩෙස්ක්ටොප් එක නිතර වෙනස් කරන්න ආසයි. නැතිනම් ටික දවසක් යනකොට එපාවෙනවා. මේ තියෙන්නෙ මේ මාසයට (නැතිනම් බොහෝ විට සතියට) මගේ ඩෙස්ක්ටොප් එකයි.

Visual Style: TenerVS
Icons: Mad-B ShinyBlack
Wallpaper: Flow