ගූගල් ටෝක් හි විශේ‍ෂාංගයකි. ඔබට සැමවිටම එය සියළු කවුළු වලට මතුපිටින් තබාගැනීමට (Always On Top) අවශ්‍ය නම් කළ යුත්තේ ඉතා සරල කටයුත්තකි. Registry Editor වෙත‍‍ ගොස් HKEY_CURRENT_USER\Software\Google\Google Talk\Options වෙත යන්න. එහි නව DWORD අගයක් show_pin යන නමින් සකසා, එහි දත්තය 1 ලෙස සකස් කරන්න. මෙමගින් ගූගල් ටෝක් හි කුඩා පින් එකක් පෙන්වනු ඇත. මෙය ක්ලික් කිරීම මගින් එය සියළු කවුළු වලට මතුපිටින් තබාගැනීමේ පහසුව ලැබෙනු ඇත.

විවිධ ගොනු වර්ග විශාල සංඛ්‍යාවක් පිරුණු බහාලුමකින් එක් වර්ගයක ගොනු තේරීම ලේසි පහසු කටයුත්තක් නොවන්නටත් ඉඩ තිබෙනවා. අවශ්‍යනම් ගොනු වර්ග තේරීමේ Dropdown ලැයිස්තුව මගින් තේරීම කළ හැකි වුවත්, ඊටත් වඩා පහසු ක්‍රමයක් තිබෙනවා. කළ යුතු වන්නේ asterisk සලකුණක් (වින්ඩෝස් වලදී වයිල්ඩ්කාඩ් ලෙස යොදාගැනෙන *) ටයිප් කර අවශ්‍ය ගොනු වර්ගයේ extension එක ටයිප් කර එන්ටර් කිරීම පමණයි. උදාහරණයක් ලෙස ඔබ *.png ටයිප් කර එන්ටර් කළහොත් ඔබට යම් බහාලුමක තිබෙන පින්ගා ගොනු වෙන්කරගත හැකියි.
තවත් දුර මෙය ගෙනයනවානම් යම් ‍ගොනුවක තිබෙන නමෙන් කොටසක් පවා asterisk එකක් යොදා ගනිමින් වෙන්කරගත හැකියි. උදාහරණයක් ලෙස *trip* යන්න සටහන් කළහොත් Trip යන වදන තිබෙන සියළුම ගොනු වෙන්කරගත හැකියි. මෙය වින්ඩෝස් වල පැවති පහසුකමක් වුවත්, දැනගන්නට ලැබුණේ ලයිෆ්හැකර් මගිනුයි

(ලයිෆ්හැකර් හරහා)

ගූගල් පින්තූර සෙවුමට එක්කළ නව විශේෂාංගයකි. උත්සාහ කර බලන්න. මෙන්න ක්‍රමය:
1. කාගේ හෝ නමක් සොයන්න. (උදා: පැරිස්)
2. සෙවුම් ප්‍රතිඵල URL අගට &imgtype=face එක්කරන්න
3. දැන් ඔබට ලැබෙන්නේ පැරිස් හිල්ටන්ගේ පින්තූර පමණයි! (වෙනත් අයගේද තිබිය හැකියි. නමුත් මුහුණු පමණයි.)

(ලයිෆ්හැකර් හරහා)

පරිගණකයේ වැඩක් කරමින් සිටින විට මතුවන දෝෂ පණිවිඩ ඉතාමත්ම ලොකු කරදරයක්. මෙවන් අවස්ථාවක ඔබ එතරම්ම තාක්ෂණික පුද්ගලයෙකු නොවෙයි නම් ඒ දෝෂ පණිවිඩය කොපි කර තබාගැනීම අවශ්‍ය වන්නට පුළුවන්. නමුත් ඉතාමත්ම දිග වූ අකුරු අංක පිරුණු දෝෂ පණිවිඩයක් පිටපත් කරගැනීම ලේසි වැඩක් නොවෙයි නේද? නමුත් ඒ සඳහා පහසු ක්‍රියාමාර්ගයක් තිබෙනවා. එම දෝෂ කවුළුවක් මතු වූ විට සාමාන්‍ය පිටපත් කිරීම සඳහා යොදාගන්නා Ctrl+C ඇතුල් කරන්න. එම දෝෂ පණිවිඩයේ සියළු තොරතුරු ක්ලිප්බෝඩ් එකට පිටපත් වී හමාරයි. (මෙය වින්ඩෝස් 2000 වල පටන්ම තිබුණු විශේෂාංගයක්ලු. කවුද දන්නේ?)

(ලයිෆ්හැකර් හරහා)