last.fm

last.fm කියන්නේ ගොඩක් ප්‍රසිද්ධ අන්තර්ජාල රේඩියෝ සහ සංගීත සමාජ වෙබ් අඩවියක්. මමත් ඒකේ සාමාජිකත්වය ගත්තා. මගේ Profile එක මෙතැනින් බලාගන්න පුළුවන්:http://www.last.fm/user/malinthe

මේ දවස් වල නම් last.fm හි සියලු දත්ත මධ්‍යස්ථාන වලට බලය‍ පිළිබඳ ප්‍රශ්න නිසා දැනට තාවකාලිකව අඩවියේ පොඩි පොඩි ප්‍රශ්න එනවා. කොහොමත් ඒක ටික දවසකින් සකසාවි.

last.fm හි audioscrobbler මගින් පරිශීලකයෝ අහන ගීත පිළිබඳ තොරතුරු වෙබ් අඩවියේ profile එකට අප්ලෝඩ් වෙනවා. එතැනින් තමන්ගේ රසයට සරිලන ගීත‍ සොයාදෙන ක්‍රමයක් ක්‍රියාත්මක වෙනවා.

last.fm

ඉක්මන් ෆයර්ෆොක්ස් ඉඟි 2

මේකත් පොඩි එකක්. දැන් සාමාන්‍යයෙන් අලුත් ටැබ් එකක් විවෘත කරන්න එක්කෝ Ctrl+T පාවිච්චි කරන්න ඕන. නැතිනම් ටූල්බාර් එක Customize කරලා අලුත් ටැබ් එක හදන බොත්තමක් එක්කරගන්න ඕන. මෙහෙම කරන්නත් පුළුවන්. ටැබ් බාර් එක මත මවුස් එක භාවිතයෙන් දෙවරක් ක්ලික් කරන්න එතකොට අලුත් ටැබ් එකක් හැදේවි.

ඔබේ මවුස් එකේ බොත්තම් 3ක් තියෙනවා නම් (ඒ කියන්නෙ මැද බොත්තමක්/wheel එකක් තියෙන එකක් නම්) ඒ මගින් පිටු scroll කරන්න පුළුවන් බව දන්නවා ඇතිනේ? ඒකෙන් ටැබ් වසාදමන්නත් පුළුවන්! ටැබ් එක මතට කර්සරය ගෙනිහින් මැද බොත්තම ක්ලික් කරන්න. එතකොට ටැබ් එක වැසී යාවි. මැද බොත්‍තමෙන් ලින්ක් එකක් මත ක්ලික් කළොත් ඒ පිටුව අලුත් ටැබ් එකක ලෝඩ් වේවි.

ඉක්මන් ෆයර්ෆොක්ස් ඉඟි

ෆයර්ෆොක්ස් පාවිච්චි කරනවා නම් වෙබ් අඩවි වල ඇඩ්‍රස් ටයිප් කරනකොට ඒ වැඩේ ඉක්මන් කරගන්න ඉඟි කිහිපයක්. ගොඩක් අය දන්නවත් ඇති. කමක් නෑ ආයෙ අහගන්නකෝ. 😉

ඇඩ්‍රස් බාර් එකේ ‍අවශ්‍ය නම ටයිප් කරන්න ඉස්සෙල්ලම (www හෝ .com, .net මුකුත් නැතුව)
ඉන්පස්සේ මෙන්න මෙහෙමයි:

  • .com සඳහා ctrl + enter
  • .net සඳහා shift + enter
  • .org සඳහා ctrl + shift + enter

ලේසියි නේද? 😀

ඔබට වෙනස ඇසෙනවාද?

හරි දැන් ඔය හැමෝම වගේ MP3 සිංදු තොගයක් තියාගෙන ඇති නේද? හැමෝම ඉතිං සිංදු අහන්න ආසයිනේ! 😉

සාමාන්‍යයෙන් සිංදුවක් MP3 වලින් encode කරන්නෙ මොන බිට්රේට් එකකද? 320? 192? 160? 128? ඉඩ ඉතුරු කරගන්න අඩු එකක් දානවා තමයි නේද? ඔබට ඒ විවිධ බිට්රේට් වල වෙනස තේරුම් ගන්න පුළුවන්ද?

මෙන්න මේ අඩවියේ තියෙන ශබ්ද සාම්පල් දෙකට සවන් දෙන්න. බලන්න ඔබටත් උසස් තත්ත්වයේ MP3 ගොනුව සහ අඩු තත්ත්වයේ එක හඳුනාගන්න පුළුවන්ද කියලා. 😉

Do you hear the Difference??

යූලා නැගිටලා

ස්පයිඩර් මෑන් බලලා ඉවර වුණේ දැන්. කේක් කෑල්ලකුත් කෑවා. යූලත් නැගිටලා ඇවිල්ලා ඤාව් ගාන්න ගත්තා. මං ඉතින් පවු කියලා දුන්නා පොඩි කේක් කෑල්ලක් 😉 දැන් තේකක් බොනවා. ඒත් සීතල බීමක් තිබ්බනම් හොඳයි.

රස්නෙයි. පුදුම රස්නයක්. දාඩිය පෙරෙනවා. දාඩියෙන් නාලා වගෙයි. අනේ මන්දා ඇයි මෙහෙම වෙන්නෙ කියලා. නුවර මෙච්චර රස්නයක්? ඒක හින්දා වෙන්න ඇති සමහරවිට මේ ලියන්න කිසිදෙයක් හිතෙන්නෙ නැත්තෙ.

ම්… මොනවද ලියන්නෙ… ආ මං මේ දවස්වල ආසම සිංදුව U2 කණ්ඩායමේ Until the End of the World කියන එක. මං කැමතිම සිංදුව සාමාන්‍යයෙන් සතියෙන් සතියට හෝ මාසයෙන් මාසයට වෙනස් වෙනවා. වෙන අයටත් එහෙමද දන්නෙ නෑ? ගිය සතියේ ප්‍රියතම සිංදුව වුණේ Chevelle කණ්ඩායමේ I Get It කියන එක. ඇයි එහෙම කැමැත්ත වෙනස් වෙන්නේ කියලයි මම මේ කල්පනා ක‍රන්නේ.