Malinthe's Blog

Well guys, you might remember that I did some mobile blogging some time ago. Did that with a plugin and it had some problems. Here I am trying again. Let’s see how it goes. 🙂

PS: It works!!! 😀

මේ දවස් වල මෙලෝ දෙයක් ලියන්න හිතෙන්නෙ නෑ. සාමාන්‍යයෙන් මෙහෙම වෙන්නෙ නෑ ඒත් දැන් කාලෙක ඉඳන් කිසිම දෙයක් ලියන්න හිතෙන්නෙ නෑ. ලියන්න දේකුත් නැද්ද මන්දා. ඉස්සර නම් ඉතින් මෘදුකාංග අරවා මේවා ගැන ඇති තරම් ලිව්වා. ඒත් දැන් ඒවා ලියන්නෙත් නෑනෙ. අනේ මන්දා මට මොනවා වෙලාද කියලා 😀 දැන් මේ වාඩිවුණේ ඕන කෙහෙල්මලක් කියලා මොනවහරි ලියන්නයි.

මේ දවස් ටිකේ හවස් වෙනකොට ‍පුංචි සත්තු ජාතියක් එනවා. මාර වදයක් වෙලා තියෙන්නෙ. කෝඳුරුවො වගේ. මොක්කුද දන්නෙ නෑ ඒත් හවස් වරුවට මෙලෝ දෙයක් කරන්න විදියක් නෑ. බල්බ් වලයි, මොනිටර් වලයි… ඇ‍ඟෙත් වහනකොට පුදුම තරහක් එන්නෙ. බල්බ් වලට එන උන් මැරිලා බිම. ඉතින් ඒ වෙලාවට උන්ට බැන බැන දඟලන එක තමයි වැඩේ. ඊයේ නම් ටිකක් අඩුයි.

වර්ඩ්ප්‍රෙස් සිංහල කරන වැඩේ දැනට 58% ඉවරයි. ඒක හැකි ඉක්මණින් ඉවර කරන්නත් ඕන. සිංහල බ්ලොග් කියවනයට අලුතින් බ්ලොග් දාන්න ඉල්ලීම් ගොඩක් එනවා. දැනටමත් 191 ක් තියෙනවා. 200ට ළඟයි. 🙂 සතුටුයි.

ජංගම දුරකථනය පිස්සු නටන්න ගත්ත හින්දා හොඳවැයින් අප්ඩේට් එකක් දුන්නා. ඇත්තටම අප්ඩේට් කළේ නෑ. තිබ්බ එකමයි ආයෙ දැම්මෙ. ඒත් ඒකෙන් පස්සෙ තිබුණු ලෙඩ ටිකක් හොඳ වුණා. දැන් නම් දෙයියනේ කියලා අවුලක් නැතුව වැඩ.

දැන් ටිකක් බරපතල කතාවකට.

අද උදේ කියවපු සටහනක් නිසා මාත් ඒ ගැන ටිකක් කල්පනා කළා. මමත් උදෙන්ම පරිගණකය ළඟට ඇවිත් ඊමේල් බලලා ෆීඩ් කියවලා තියෙන පොඩි පොඩි වැඩ කර කර මුළු දවසම ඉන්නෙ පරිගණකය ළඟමයි. කන්න යන්නෙත් අම්මා කෑගැහුවම. කෑම කන්නෙත් හදිසියට. දඩිබිඩි ගාලා ගිලලා දාලා ආයෙමත් මෙතන. දවසම. බරපතල තත්ත්වයක්.

මට යාලුවොත් නැහැ. ඉන්නෙ අන්තර්ජාල යාලුවො විතරයි. ඒ නිසා පරිගණකය නැතිනම්, අන්තර්ජාලය නැතිනම් මොනවා වේවිද කියලා හිතන්නවත් බැහැ. ඒ හින්දම මේක අත අරින්නත් බැහැ. විදුලිය නැති දවසට එහෙම නිකං පිස්සු හැදිලා වගේ කැරකි කැරකි ඉන්න වෙලා තියෙන්නෙ ඒ නිසයි. මං පහුගිය දවස් ටිකේ මේ ප්‍රශ්නෙ ගැන දෙතුන් දෙනෙක් එක්කම කතා කළා. ඒත් මොනවද මං කරන්නෙ? මං අම්බානක ලජ්ජාශීලී කෙනෙක් නිසා යාලුවෙක් ඇතිකරගන්න එකත් මට ලේසි වැඩක් නෙවෙයි. මං අන්තර්ජාලයේදි යතුරුපුවරුව හරහා අම්බානක කතා කළාට සැබෑ ජීවිතේදි ගොඩක් නිහඬයි. (මේක හොඳටම අත්විඳින්න ලැබුණේ දැන් කාලෙකට කලින් අපේ කොල්ලො සෙට් එක නුවර ආපු වෙලාවෙ) ඉතින් මේ දවස්වල life sucks, life sucks කිය කිය කෑගගහා ඉන්නෙ. මේ හේතුව හින්දා වෙන්න ඕන කිසිම දෙයක් ලියන්න හිතෙන්නෙත් නැත්තෙ.

සුදාරක මලයා තීම් එකක් හදලා ඉල්ලුවා. ඒත් ඒක කරගන්නත් බැරිවුණේ මේ ඔළුව අප්සට් වීම හින්දා වෙන්න ඇති. පොරටත් අප්සට් ඇති. සොරි කොල්ලො 😉

හයියෝ මේ මදෑ කියෙව්වා. අදට ඇති. හික්.

ගොඩ දවසකින් මුකුත් ලිව්වෙ නෑ. මේ දවස් ටිකේ එච්චර හොඳ තත්ත්වයකින් නෙමෙයි ඉන්නෙ. ඒවයින් කාටවත් වැඩක් නැති හින්දා ලියන්නෙ නෑ 😀

වර්ඩ්ප්‍රෙස් යාවත්කාල කරන එක ගැන ලිපියක් ලියන්න හිතාගෙන හිටියට ඒක අවශ්‍ය නැති වේවි. මොකද තව දවස් කීපෙකින් 2.7 නිකුත් වෙන්න නියමිතයි. ඒ අනුවාදයේ ස්වයංක්‍රීය යාවත්කාල කිරීමක් තියෙන නිසා ඉදිරියේදි ඒ කරදරයෙන් මිදෙන්න පුළුවන්.

2.7 නිකුත් වෙන බව දැනගත්ත ගමන් වර්ඩ්ප්‍රෙස් සිංහල වැඩ දඩිබිඩි ගාලා ආයෙ පටන්ගත්තා. දැනට 55% විතර තමයි ඉවර. හැකි ඉක්මනින් ඉවරයක් කරන්න බලාපොරොත්තු වෙනවා.

හයියෝ වෙන ලියන්න දෙයක් නෑ. කිසිම දෙයක් ලියන්න හිතෙන්නෙත් නෑ. මාර අවුලක් 😀

ඉතින් ඉතින් කොහොමද ජීවිතේ? ටික දවසකට පස්සේ මේ ලියන්නෙ පහුගිය ටිකේ ලියන්න තරම් දෙයක් නොතිබුණු නිසා. අද මගේ ෆීඩ්බර්නර් ගිණුම ගූගල් ගිණුමට migrate වෙලා තිබුණා. දැන් මගේ බ්ලොග් පෝෂකය (feed) ලබාගන්න පුළුවන් මෙතැනින්: http://feedproxy.google.com/malinthe

හැක් මෙච්චරයි වගේ කියන්න තියෙන්නෙ 😀 හයියොහ් මාර වැඩක්නෙ මේක. බඩගිනියි වගේ. ටවුමට යන්නත් ඕන. යනකොටවත් මොනව හරි විසේස දෙයක් වුණොත් කියන්නම්.

ඔන්න ඊයේ විභාගෙත් ඉවර වුණා. ලිව්වට ටිකක් අප්සට් වගේ. කරන්න දෙයක් නෑනෙ. 😀 අද ඉතින් ගියා කොළඹ අලුත් වෙබ් අඩවි දෙක දියත් කරන්න. දියත් කිරීම ගැන විස්තර පසුව කියන්නම්. දැන් නම් මාර මහන්සියි. ගෙට ගොඩ වුණු ගමන් 😀 හොඳවැයින් තේකක් බොන්නයි යන්නෙ. එතකල් අලුත් අඩවි දෙකට ‍ගිහින් එන්න. මැගී ආච්චිගේ හෑල්ල සහ Lankacomics