Cybernet වෙත නිර්නාමික ලෙස එවූ පණිවිඩයක Photoshop CS4 (Codename: Stonehenge) පිටපතක් ‘ලීක්’ වී ඇති බව සඳහන් කර තිබුණා. ලිපිය ලියූ රයන්ට අනුව දැනටමත් බිට්ටොරන්ට් අඩවි වල මෙහි Setup සොයාගන්නට ඇති බව ආරංචිය. රයන්ට ලිපිය එවූ තැනැත්තා ඒ සමග තිර පිටපතක්ද එවා තිබුණා (Screenshot) ඉහළින් දැක්වෙන්නේ එයයි.
Cybernetnews මගිනි.
ඔබේ ප්‍රොසෙසර ධාවනය වන උෂ්ණත්වය දැනගන්න සාමාන්‍ය මෘදුකාංග කිහිපයක්ම ලබාගන්න පුළුවන්. මම දෙක තුනක් පාවිච්චි කරලා තියෙනවා ඒත් ඒවායේ පහසුකම් අනවශ්‍ය විදියට වැඩියි. (Bloated) අද How-To-Geek හි සඳහන් කර තිබුණා මේ කටයුත්තට ගැළපෙන නියම මෘදුකාංගයක් ගැන. නම CoreTemp. මට නම් පේන්න තිබුණු ලොකුම විශේෂත්වය මේක හිතන්න බැරි තරම් කුඩා මෘදුකාංගයක් වීම තමයි. සාමාන්‍ය ධාවනයේදී කිලෝබයිට් 800ක් පමණයි මේ මෘදුකාංගයට වැයවෙන්නේ. Startup ෆෝල්ඩරයට පිටපත් කළොත් වින්ඩෝස් ආරම්භ වෙනකොට ස්වයංක්‍රීයවම ආරම්භ වෙන්නට සකසන්න පුළුවන්.
Update: මේක මගේ එකේ වැඩකරන්නේ නැහැ.
[CoreTemp]
How-To-Geek මගිනි.
ෆයර්ෆොක්ස් හි ටැබ් කිහිපයක් විවෘත කරලා තියෙනවනම්, ඒවා අතර මාරුවෙන්න සාමාන්‍යයෙන් පාවිච්චි කරන්නෙ Ctrl+Tab නේද? මෙන්න තවත් ලේසි ක්‍රමයක්. Ctrl සමග ටැබ් අංකය ඇතුල් කිරීමෙනුත් ටැබ් අතර මාරුවෙන්න පුළුවන්. උදාහරණය: ටැබ් 6ක් විවෘත කරලා තියෙනවා කියලා හිතන්න. තුන්වෙනි ටැබ් එකට යන්න ඕන නම් Ctrl+3 පාවිච්චි කරන්න. ලේසියි නේද? 🙂
If you use Firefox, you already use tabs don’t you? Usually, you’d use Ctrl+Tab to switch between them. Here’s another way to do it. Use Ctrl and the number of the tab to switch between them quickly. Eg: Imagine that you have 6 tabs open and you want to go to the 3rd one. Simply enter Ctrl+3 to switch to the third tab in a heartbeat. Simple huh? 🙂
If you have any tips to share, use the comment form below or just send a message to tips at malinthe dot com
Tunatic කියන්නේ මට ළඟදී හොයාගන්න ලැබුණු නියම මෘදුකාංගයක්. මේ මෘදුකාංගයෙන් කෙරෙන්නේ අපට ඇසෙන ඕනෑම ඉංග්‍රීසි ගීතයක නම හා ගායකයා කවුදැයි සොයා දීමයි. මහ ලොකු දෙයක් නෙවෙයි කියලා හිතෙන්න පුළුවන්. ඒ වුණාට රේඩියෝ එකේ හදිසියකට ඇහෙන ගීතයක් කියන්නේ කවුද, ගීතය මොකක්ද කියලා හොයාගන්න අවශ්‍ය වුණොත් මේ මෘදුකාංගය ගොඩක් වටිනවා. අවශ්‍ය වෙන්නේ මයික් එකකුත් අන්තර්ජාල සම්බන්ධයකුත් විතරයි. පරිගණකයේ රේඩියෝ ටියුනර් එකක් තියෙනවානම් ඒක පාවිච්චි කරන්නත් පුළුවන්. එතකොට Recording සැකසුම් වල Stereo Mix හෝ Mono Mix තෝරාගන්නට වෙනවා.
මෙම මෘදුකාංගය වින්ඩෝස් මෙන්ම මැක් වල ධාවනය කරන්නට පුළුවන්.
[Tunatic]
ඇපල් සමාගම තම මැක්බුක් නිෂ්පාදන අලුත් කළා. මැක්බුක් ප්‍රෝ මාදිලිය නව ඉන්ටෙල් 2.6GHz, 6MB L2 Cache ප්‍රොසෙසර, මෙගාබයිට් 512ක මතකයක් සහිත NVIDIA GeForce 8600M GT ග්‍රැෆික් ප්‍රොසෙසර, ගිගාබයිට් 250ක දෘඪ තැටියක් හා ගිගාබයිට් 4ක මතකයක් සමගයි නිකුත් කර තිබෙන්නේ. මැක්බුක් එයාර් සමග පැමිණි මල්ටි-ටච් තාක්ෂණය දැන් මැක්බුක් ප්‍රෝ සමග ලබාගන්නටත් පුළුවන්. සාමාන්‍ය මැක්බුක් මාදිලියටත් තව විශේෂාංග එකතු කරලයි තියෙන්නේ. වැඩි විස්තර සඳහා Apple වෙත යන්න.
Verdict: I want ONE!! 😆